RADIO KOMUNIDADE HATUDU FORSA IHA KONGRESU JORNALISTA NIAN

CONGRESS PIC

Jornalista radio komunidade partisipa maka’as iha kongresu jornalista nian foin dadauk ne’e iha Dili, ne’ebé partisipa hamutuk  ho serbisu-nain ba orgaun komunikasaun sosial hothotu iha Timor Leste hodi diskuti no debate konaba kodigu ethic Jornalista no Esbosu Estatuta Konseilu Imprensa Timor-Leste nian.

Grupu forte jornalista radio komunidade nian vota no aprova Kódigu Éitka jornalsita nian, hatudu ba Governu no industria mídia nian katak radio komunidade reprezenta rede jornalsita ne’ebé organizadu ho di’ak no profesionál. Prezidente ARKTL Prezado Ximenes halo ‘lobi’ no asigura fundu ba serbisu-nain radio komunidade nian atu partisipa, Ximenes dehan “Kongresu ne’e loke ona oportunidade ba mídia iha Timor-Leste atu hatene no kompriende forsa radio komunidade iha Timor-Leste iha prosesu hari’i nasaun.” ARKTL husi kedas iha 2007 lobi ka halo aprosimiasaun ona ba Governu and Parlamentu hodi legalmente rekuinese ezistensia radio komunidade iha Timor-Leste no “Kongresu Jornalista foin dadauk ne’e nu’udar parte ida husi esforsu ARKTL nian atu realiza misaun ne’e,”Ximenes haktuir.

Maibe ARKTL momentu ne’ebá la permiti hodi asina Kodigu Étika ne’e tamba kongresu ne’e rasik la rekuinese ARKTL nu’udar asosiasaun ba jornalista. ARKTL nu’udar asosiasaun mídia boot liu iha Timor-Leste no reprezenta membru 16 radio komunidade nian no 80 liu jornalista ne’ebé serbisu iha nasaun ne’e nia laran tomak. ARKTL nu’udar membru ba AMARC, Asosiasaun Mundial Radio Komunidade nian no rekuinese husi AMARC nu’udar organizasaun ne’ebé serbisu ona hodi dezenvolve seitór radio komunidade nian iha Timor-Leste husi kedas iha 2007. Ximenes komenta “Ha’u hanoin kongresu ne’e laos fatin ida ba ARKTL hodi ko’alia sai nia an-rasik katak nia nu’udar asosiasaun ba jornalista ka lae maibe favór kompriende katak kongresu ne’e bele halao tamba kontribuisaun ARKTL nian alen asosiasaun jornalista sira seluk.”

Ximenes hato’o ninia diskursu ba abertura Kongresu ne’e ho Primeiru Ministru Xanana Gusmao. Ximenes hola parte mós iha ‘Ekipa 5’, tu’ur hamutuk ho maluk jornalista sira seluk hanesan Salvador Ximenes, Suzana Cardoso, Mouzinho Lopes no Otelio Ote. Ekipa Lima nu’udar orgaun eleitu hodi reprezenta jornalista sira iha dezenvolvimentu mídia foun iha Timor-Leste no Ximenes mós hili hodi lidera komisaun organizadora ba Kongresu ne’e. Pontu ajenda xave ne’ebé debate iha Kongresu ne’e inklui esbosu Kódigu Étika nian no Esbosu Estatuta Konseilu Imprensa nia ne’ebé sei hili.

‘Ekipa 5’ dadauk ne’e hein hela Governu atu aprova esbosu final Lei Imprensa nian. Maibe ‘Ekipa 5’ ne’e ho komunidade jornalista preukupa ho kontuidu husi esbosu lei ne’e tamba Governu rejeita atu halo konsulta públika ba esbosu final ida-ne’ebé sei lori bá Parlamentu hodi aprova iha inisiu tinan 2014.

Ita-boot sira bele reve esbosu dahuluk Lei Imprensa no le’e barak liu tan prosesu halo esbosu lei ne’e no ninia aprovasaun iha ARKTL nia website.

Advertisements