ARKTL LANSA NINIAN WEBSITE!

DSCF0876

ARKTL  nian Website lansa tiha ona foun ida ne’e, hatudu katak estasaun radio komunidade iha TL iha rede serbisu ne’ebe mak forte tebes. Website ida ne’e, oferese ona plata forma ida, hodi bele fasilita komunidade media sira atu truka ba malu informasaun, hakbi’it rede serbisu, bele oferese oportunidade atu asesu ba rekursu ruma no divulga notisia. Nutisia Elektronika (ENutisia) husi ARKTL sei publika istoria husi komunidade sira no publika mos nutisia konaba komunidade.

Lansamento webite ne’e halao tiha ona ohin loron iha DIli iha sentro formasaun Joao Paulo II, Comoro. Lansamento ne’e, partisipa husi representante radio komunidade 16 inklui mos estasaun radio husi distrito Los Palos no Maubisse. Prezado Ximenes, Prezidente ARKTL expresa katak importante husi Website ARKTL ne’e maka atu hametin no hatudu katak radio komunidade iha rede serbisu ne’ebe mak forte. “Radio komunidade iha ninian potensialidade rasik atu distribui notisia husi nivel distrital to’o nivel nasional inklui mos to’o nivel internasional liu husi utiliza website ida ne’e. Website ida ne’e, bele sai nu’udar kanal ida atu promove informasaun konaba komunidade Timorense ba mundu. Webisite ida ne’e, bele mos sai nu’udar instrumentu ida hodi hametin serbisu na’ain husi estasaun  radio komunidade sira, hodi nune’e bele serbisu hamutuk dezenvolve sosiadade ne’ebe mak democratic iha paiz ida ne’e” Ximenes hatete.

Fidelio Magaelhaes, nu’udar chefe casa civil husi Gabinete Prezidente da Republika hato’o ninia diskursu iha loron lansamento Website ARKTL, Representante Estadu ne’e rekonhese importansia husi kontribusaun radio komunidade ba prosesu hari’i nasaun iha Timor-leste no nia selebra mos lansamentu website foun ne’e ne’ebe mak bele haforte liu tan rede serbisu orgaun komunikasaun social iha Timor Leste.

Serbisu na’in ba radio komunitaria iha nivel distrital espera bele hetan tulun hodi hadia liu tan sira nian asesu atu utiliza internet, hodi nune’e bele fo benefisiu barak ba sira wainhira utiliza online ou plata forma foun ida ne’e,  bainhira sira halao sira nian serbisu mak hanesan rekolha no fahe informasaun konaba sira nian istoria rasik. Ximenes rekonhese katak asesu ba nesesidade atu uza internet iha Timor-Leste persija hetan atensaun ou persija hadia, partikularmente liliu asesu atu uza internet iha distritu sira. Ita espera katak plata forma foun ne’ebe mak oferese husi ARKTL ba estasaun radio komunitaria iha Timor-Leste bele fo benefisio mos ba gerasaun foun iha tempu tuir mai ne’e.

Lansamento konaba Website ARKTL bele realiza tamba hetan supporta husi Asia Pacific Journalism Center, Embasada Australia liu husi projeto Direct Aid Program no hetan tulun mos husi didikasaun ne’ebe mak mai husi ajudus ema na’in rua husi  agensia Aus Aid Voluntario mak hanesan Claudia Santangelo no Elena McMaster.

Website ARKTL iha versaun rua mak hanesan versaun Tetum no Versaun English. Bele Visita Website ARKTL  mak hanesan www.arktl.org, Bele hetan mos ARKTL ninian face book mak hanesan facebook.com/ARKTL, labele haluha mos atu sign up nutisia elekronika (ENutisia) ARKTL iha ne’e

Advertisements