Komentario ARKTL konaba Esbosu Lei Komunikasaun Sosial

ARKTL konsidera esbosu Lei Komunikasaun Sosial ladun refleta kondisaun atual ne’ebe mak jornalista no instutisaun media sira  hasoru iha TL.

Prezidenté Assosiasaun Radio Komunidade Timor-Leste  Prezado Ximenes, hateten katak artigu balun iha esbosu lei komunikasaun social ne’e ladun fo liberdade ba jornlista sira atu halao sira nian knar jornalismu ho lifre. Por ijemplu iha artigu 9 konaba filiasaun espelika katak jornalista sira iha direitu atu hili organizasaun jornalista ida ne’ebe nia hakarak tama. Maibe iha artigu 20 kualia konaba kontra-ordenasaun sira esplika katak sei wainhira jornalista sira lakumpri artigu 9, maka jornalista ne’e sei hetan multa ho selu orsamentu ho montante husi US $250 to’o US  $500.

Tuir Prezado Ximenes, esbosu lei ida ne’e, kontra ona liberdade husi jornalista sira nian. Jornalista iha direitu atu hili organizasaun jornalista ida neebe mak nia hakarak atu tama, maibe nia mos iha direitu atu lakoi hili, tamba karik nia iha rajaun pesoa ruma. Ita mos tenki rekonhese katak realidade organizasaun jornalsita sira mos sidauk servi diak ninian membru sira to’o ohin loron, tamba sira rasik mos  sei hasoru hela difikuldade oioin. Tamba ne’e, tuir Prezado katak esbosu lei ne’e tenki garante ema nia liberdade atu foti opsaun ruma tuir nia hakarak, ita labele taka matan hodi kria lei ida ne’ebe mak to’o ikus obriga jornalista atu hili maski karik ida ne’e kontradis ho  nia hakarak rasik. Tamba ne’e mak lei ida ne’e tenki responde ba kondisaun real ne’ebe mak akontese ba jornalsita sira iha Timor-Leste.

Prezado Ximenes mos saliente liu tan katak instutisaun media iha Timor-Leste no journalista sira ninian rendementu kada fulan kiik los kompara ho pena multa ne’ebe mak sira tenki selu baseandu ba artigu 20 iha esbosu lei komuniksaun social nee.  Ida ne’e lakondis ba situasaun real media sira hasoru hela iha nasaun otas nurak ida ne’e. Sei wainhira ita implementa artigu ida ne’e, iha posibilidade bot atu instutisaun media sira tenki taka tamba laiha kbi’it atu selu multa.

IMAJEN: Presidente ARTKL hamutuk ho Presidente husi Asosiasaun Jornalsita sira halao sorumutu ho membru komisaun A husi Parlamentu Nasional kualia konaba esbosu lei komunikasaun social iha Hotel Tibar, Dili

Advertisements