Estudantes Foun halao programa iha RCAL Oecusse

Radio Atoni Lifau halao treinamentu jeral konaba kursu jornalismu ba estudantes husi Dili Institutu Teknologia iha kampus DIT iha Oecusse semana kotuk liu ba. Material treinamentu ne’e inklui mos introdusaun konaba radio komunitaria, treinamentu konaba oinsa halo intervista, perpara eskrita programa radio no aprende abilidade konaba halo apresentasaun ba programa radio, aprende konaba oinsa atu uza software ba audio gravasaun no oinsa atu utiliza equipamentu studio.

Estudantes sira sei hahu uluk ho aprende konaba programa radio ba estudante mak hanesan oinsa atu halo kobretura ba isu konaba estudante sira, issue konaba rai ketan no mos issue social konaba justisa iha distrito Oecusse.  Liu husi tulun ne’ebe mak oferese husi radio Atoni Lifau hodi fo ba estudante sira atu utiliza equipamentu foun ho naran Talkback, estudantes sira ne’e sei iha abilidade atu halo interativu ho sira nian audensia, kualia liu husi telephone direita ba sira nian  rona na’in sira.

Liu husi treinamentu ne’e, estudantes sira mos konsege transmite sira nian programa liu husi halao gravasaun uluk. Programa husi estudantes sira ne’e, sei tranmite liu husi radio Atoni Lifau iha loron sexta kada semana.

Treinamentu ne’e nu’dar parte ida husi projetu ARKTL nian konaba Hakbesik An ba Komunidade ne’ebe mak hetan suporta husi Asia Pacific Journalism Center no Embasada Australia liu husi program DAP.

Advertisements