ARKTL parseria ho TT hodi halo koneksaun internet ba radio komunitaria

Timor Telecom, nu’udar parte parseria foun husi ARKTL sei fornese asesu internet gratuita inklui fornese mos ho asesu telemovel ba radio komunitaria sira iha Timor Leste ne’ebe mak sai membrus husi ARKTL.

Prezado Ximenes, Prezidente ARKTL hateten katak asesu ba internet sei haforte radio komunitaria sira atu bele ativa liu hodi partisipa no fo mos kontribusaun ba plata forma hodi enkoraja komunidade iha parte media on line no atu hari’i audensia foun iha estasaun radio komunidade sira.

Prezidente ARKTL ne’e mos esplika liu tan katak liu husi parseria ne’e, staff radio komunitaria sira sei hetan asesu fasil ba notisia foun, asesu ba rekursu no opportunidade atu hametin redeserbisu inklui mos hakbi’it no haforte radio komunitaria sira iha Timor-Leste

Timor Telecom hateten katak tuir sira nian plano estasaun radio komunitaria sira sei hetan koneksaun ba asesu internet iha semana ikus fulan junho.

 

Advertisements