Estudante ejiji governo hadia transporte públiku

Iha tempu dader, molok loro matan sidauk hader husi nia toba fatin, hahu husi Tasi tolu to’o iha Becora, estudante sira komesa hamri’ik ona iha estrada ninian hodi hein sira nian belun diak Mikroleta.

Lorensa Faria Monteiro estudante husi eskolah pre sekundaria Katholika hateten katak maski sira hein ona mikroleta hahu husi tuku 6 dadersan maibe sira sempre tarde nafatin to’o iha eskolah. Eskolah oan ne’e hatutan katak kondutor mikroleta sira mayoria lakoi tula estudantes iha tempu dader tamba estudante sira selu deit osan 15 sentavos. Kondisaun ne’e dalabarak halo sira tenki tarde ba eskolah. Tamba ne’e liu husi opportunidade ne’e, eskolah oan ne’e, mos ejiji ba governo liu husi dirasaun transporte atu kria politika ida hadi hari’i bis kota hodi tulun estudantes sira atu bele hetan asesu ba transporte publikú.

Iha parte seluk Pedro Bapena Lopes estudante husi eskolah sekundaria publiku5 de maio mos hakarak ejiji ba governo atu hamosu ona transporte públiku ne’ebe mak governo mak oferese rasik, atu nune’e bele fo tulun ba estudante sira iha sidade Dili hodi bele hetan asesu lalais wainhira atu ba eskolah.

Responde ba kondisaun real ida ne’e, Dorte Magno mestre husi eskolah sekundariu publiku 4 de Setembro hateten katak realidade dadauk ne’e, iha sidade Dili, nomeru estudantes neebe mak asesu ba transporte públiku iha tempu dadar barak tebes, maibe mikroleta mak ladun barak. Ho rajaun ida ne’e mak mestre ne’e mos ejiji ba kintu governo konstitusional atu bele hamosu tok transporte públiku ida ne’ebe mak bele responde ba situasaun real ne’ebe estudante sira enfrenta hela.

Rosa Prega, Radio Lorico

Advertisements