Equipamento Talkback instala ona housi Leste ba Weste

Elena MacMaster voluntariu husi ajensia Aus Training ho susesu fo ona treinamento no halao instalasaun equipamento talkback ba iha estasaun radio komunidade iha Bauca, Bucoli, Los Palos, Oecusse, Viqueque, Maubisse.

Semana kotuk, Elena halo remata instalasaun equipamento talkback ba estasaun radio sira iha parte weste / liu husi halao hela viagem ba ditrito hirak ne’ebe mak iha parte weste hamutuk ho Ivan staff ARKL ba parte Koodenador ba komunikasaun no administrasaun, Zelia Da Costa hosi Radio Lorico no Joaquim de Fatima Coutinho hosi Radio Komunidade Maubisse. Equipamento hirak ne’e sei ajuda estasaun radio komunitaria sira atu bele produs programa radio hanesan halao reportagem direita, halao intervista liu husi anin frekwensia radio ba fontes sira ne’ebe mak hela iha area remotas.

ARKTL hato’o obrigado wain ba Riah Williams –teknisia husi estasaun radio komunidade 3CR iha sidade Melbourne, Australia ne’ebe mak didika ona ninian an atu kria equipamento talkback ba estasaun radio komunitaria sira iha Timor-Leste. Equipamento hirak ne’e hetan donasaun husi staff no voluntariu sira iha radio 3CR ne’ebe mak fo sira nian tulun liu husi ARKTL . ARKTL mos lahaluha atu hato’o obrigado wa’in ba Embasada Australia liu husi programa DAP ne’ebe mak oferese ona oportunidade ba ARKTL atu hetan suporta finanseiru hodi bele sosa telemovel no halao instalasaun equipamento talkback ne’e ba estasaun radio komunitaria tomak iha Timor-Leste.

Image: Instala equipamento iha Same, Cova Taroman

Advertisements