Parlamento Nasional approva ona Lei Komunikasaun Sosial

Iha loron nen fulan maio Parlamento Nasional approva finalidade lei komunikasaun sosial. Maski iha ona disputa barak ne’ebe mak hato’o ona husi organizasaun media independente sira iha Timor Leste inklui mos husi organisaun internasional sira, lei komunikasaun social ne’e, nafatin deit lahetan mudansa siknifikante, durante diskusaun iha meja parlamento nasional.

Lei komunikasaun social ne’ebe mak hetan ona approvasaun ne’e sei bele hamosu perkupasaun konaba haki’ik liberdade imprensa, fo limitasaun serbisu ba jornalista estrangeiru, hakarak atu for sertifikadu ba jornalista freelance no jornalista estudantes sira no inklui mos ba fo multa hodi nune’e lori ita fila fali ba defamasaun ba lei.

Iha aleterasaun rua mak akontese iha diskusaun plenariu parlamento nasional mak hanesan permeiro ba artigu 6 husi esbosun lei komunikasaun sosial ne’ebe iha ninian alterasaun ne’e dehan katak governo lafo subsidiu husi orsamento geral ba instutisaun media komersiantes sira. Segundu alterasaun ba artigu 45 ne’ebe mak espelika konaba komposisaun husi konselho Imprensa. Iha alterasaun ne’e iha mudansa husi proposta esbosu lei ne’ebe mak dehan “hakarak hili ema na’in ida husi ema na’in rua nee’be mak atu representa parlamentu tenki mai husi ema jurista na’in sira” no iha diskusaun plenariu hetan alterasaun hodi permite katak membru konselho imprensa mak sei hili direita ema na’in ida hodi sai president konselho Imprensa.

Basea ba realidade ida ne’e, ita hare katak ladun iha mudansa siknifikante ba isu safe sira ne’ebe mak debates tiha ona iha nasaun ne’e relasiona ho demokratizasaun media no liberdade imprensa. Organizasaun Lao Hamutuk nu’udar embasador ne’ebe mak halao ona advokasia maka’as hodi bele iha alterasaun ba lei ne’e dehan katak Espera Presidente da Republika Taur Matan Ruak sei tetu didiak molok halao promulgasaun ba lei ida ne’e, tamba tenki konsidera didiak lai, impaktu husi lei komunikasaun sosial ne’e, ba prosesu sosiadade no prosesu demokratizasaun iha Timor-Leste. Dadauk ne’e ita hein deit ona ba desijaun husi Presidente da Republika, karik Nia atu deside halo veto ka promulga ba lei ne’e.

Ita bot bele hetan asesu ba komentariu, notisia no lei komunikasaun sosial ne’ebe mak approvadu iha Parlamento Nasional iha pagina konaba lei komunikasaun sosial’.

Advertisements