Industrializa konsultasaun konaba regulasaun radio komunitaria

Horiseik, Sekretariu Estadu Komunikasaun Sosial Nelio Izac Sarmento hamutuk ho Sentro Radio Komunidade, halao kolokiu ida hodi hahu enkoraza ona atu industrializa regulasaun konaba radio komunitaria. Governo halao ona esforso ida ba oin, atu bele kria ona esboso legislasaun hodi regula rede serbisu husi radio komunitaria. Kolokiu ne’e nu’udar parte ida husi prosesu konsultasaun hamutuk ho estasaun radio komunitaria sira, organizasaun sosiadade sivil sira no organizasaun asosiasaun media sira hodi bele garante katak legislasaun ne’e, sei servi nesesidade husi industria radia komunidade sira iha Timor-Leste.

IMG_4310

Kolokiú ne’e, konvida mos orador husi Africa do Súl no India hodi mai fahe mos sira nian hanoin konaba regulasaun ida ne’ebe mak diak atu implementa ba radio komunitariu.John Matison, jornalista ida husi Africa do Súl no Nia mos nu’udar eis chefe konaba komisaun media elitorial iha Afganistan iha ninian palestra hateten katak importante mak tengki garante estasaun radio komunidade atu servi sáida mak komunidade hakarak no persija. Nia mos fo referensia balun konaba kria politika ba regulasaun ba estasaun radio komunidade iha Africa do Súl inklui konaba kria kuato muzika local iha estasaun radio komunidade. Nia mos fo notas katak importante mos atu estabelese matadalan konaba area kobertura no lisensa ba frekwensia radio tuir ninian durasaun tempu.
Nimmi Chauhan, Prezidente husi rede ba feto internasional husi organizasaun radio komunitaria mundial (AMARC) iha ninian palestra informa konaba importante husi fasilita feto atu bele involve an iha radio komunidade inklui mos konaba aprosimasaun isu konaba equalidade generu liu husi rede serbisu AMARC. Nia mos halo diskusaun klean konaba investe ba prosesu dezenvolvemento feto iha parte gestaun no foti desijaun relasiona ho papel husi estasaun radio.

IMG_4305

Atu aumenta deit katak atu promove papel husi radio komunitaria iha dezenvolvementu regulasaun ida konaba radio komunidade, orador internasionais nain rua ne’e, fo hanoin katak persija duni atu hetan no kria regulasaun ida ne’ebe mak loos, iha tempu ne’ebe mak foin hahu atu kria. Sira nain rua mos enkoraza estasaun radio komunidade sira atu bele foti oportunidade diak ruma iha tempu foin mak hahu kria esboso regulasaun ne’e, hodi hanoin konaba sáida mak estasaun radio komunidade sira hakarak atu hetan liu husi regulamento ne’e.
Diskusaun konaba regulasaun ba radio komunitaria dadauk ne’e sei lao hela no ARKTL sei halao serbisu hamutuk ho ninian membru sira atu garante katak sira ninian persija sei hetan rona durante prosesu atu kria esbosu regulasaun ne’e. Karik ita boot sira iha sugestaun ruma konaba oinsá atu estabelese regulsaun hirak ne’e hodi benefisia ita ninian komunidade, favor husik ami mos bele hatene liu husi Facebook ou liu husi dirasaun email arktl.info@gmail.com.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s