IOM servisu hamutuk ho CVTL no ARKTL halao workshop hamutuk ho jornalista radio komunidade sira konaba programa radio hodi hamenus risku husi dezastre naturais

Workshop ne’e halao iha salaun João Paulo II Comoro neebe mak parsitipa husi jornalista radio komunidade sira husi munisipiu Ermera, Manatuto, Baucau, Lautem, Manufahi, Ainaro no Maliana.

Iha loron ba dahuluk husi workshop ne’e, koalia barak liu kona ba estudu privada no esperensia pratika hamenus risku dezastre naturais iha rai Indonesia, ne’ebe apresenta Kartika Dewi peritus konaba programa radio. Aliende ne’e iha workshop loron dahuluk ne’e, Prezado Ximenes husi ARKTL mos aprensenta materia konaba oinsá kria programa radio ba programa hamenus risku ba desastre naturais.

WORKSHOP IOMIha loron ba daruak husi workshop ne’e, fo oportunidade barak liu ba partisipante sira atu halao diskusaun groupu hodi bele identifika programa radio hirak ne’ebe mak relavante ba kriasaun programa hodi hamenus risku ba desantre naturais.

Iha loron badaruak ne’e mos koalia kona ba oinsá mak bele implementa programa radio relasiona ho programa hamenus risku ba desastre naturais iha munisipiu 7 iha Timor Leste liu husi kanal radio komunidade. Implementasaun husi programa ne’e sei halao liu husi agremento entre ARKTL ho IOM ne’ebe mak posibilidade sei halau uluk liu projeto pilotu ne’ebe mak sei hahu iha fulan Novembro tinan ida ne’e.

22iomTuir Moizes da silva jornalista husi radio komunidade Tatamailau, munisipiu Ainaro nee’ebe mak partisipa iha workshop ida ne’e, hateten katak Nia sente kontente bele tuir workshop ida ne’e. Nia haktuir katak nuúdar ema nebe’e mak serbisu iha radio komunidade, ami sei habelar tan informasaun nebe’e mak ami hetan, hodi nune’e komunidade sira liu-liu iha area rurais bele hatene informasaun kona ba hamenus risku dezastre naturais no mos ami sei kria programa relasiona ho workshop ida ne’e no mos ami sei fo avisu ba komunidade sira atu la bele sunu rai arbiru.

Iha sikun seluk Hermenegildo Cardozo Leite xefe departamentu ba jestaun dezastre Naturais CVTL hatete katak, problema dezastre ne’e problema global ida, tan ne, atu hamenus ka redus risku husi dezastre naturais ne ita hotu hotu nia responsabilidade. Nia hatutan liu tan katak Nia dezeiju liu husi sira nia kooperasaun ho radio komuniade, espera bele influensia komuniade sira, atu nune komunidade sira liu-liu iha area rurais iha kunhesementu oituan kona risku dezastre no atu bele informa ba populasaun sira hothotu maizumenus sira kuiñese, konaba sáida mak risko, i sáida mak dezastre, sé nia impakto husi ida-ne’e saidá, se wainhira konsekuensia husi akontesimento ida karik sáida mak mosu”.

Tuir Luis Pedro Pinto husi IOM nudar Project Manejer ba projetu redusaun risku dezastre haktuir katak, objetivu husi IOM hakarak servisu ho radio komunidade tamba radio komunidade mak baze ba komuniade , sira mos bele habelar liu tan informasaun ba iha area remotes , atu nune’e komunidade sira bele hatene liu tan kona ba oinsa sira bele prepara sira nia an antes, durante no depois de akontese

Luis hatutan, “rezultadu ikus hosi workshop ida ne’e mak oinsá mak bele fo kunhesementu diak ba jornalista radio komunidade sira kona ba oinsa atu hakerek scipt ho diak hodi nune’e wainhira sira ba fali sira nia fatin ida-ida sira bele dezenyu rasik material saida mak sira hakrak hato’o ba komunidade” tenik Nia.

Workshop ida ne’e bele realija tamba hetan suporta husi USAID no hetan mos partisipasaun husi jornalista estasaun radio komunidade Maubisse Mauloko, Radio Tatamilau, Radio Komunidade Maliana, Radio Iliwai, Radio Vox Populy, Radio Komunidade Lian Matebian, Radio Kolelemai no Radio Café. (avr)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s