Se mak ami

Assosiasaun Radio Komunidade Timor-Leste (ARKTL) nu’udar organizasaun ida ne’ebe mak nia base servisu mak hodi servi komunidade. Organizasaun ida ne’e hari’i iha tinan 2001 hodi representa no fo suporta ba estasaun radio komunidade sira iha Timor-Leste. ARKTL mak organizasaun ida ne’ebe mak nia membru sira mai husi estasaun radio komunidade sira iha Timor-Leste. ARKTL no nia membrus sira hamutuk estasaun radio 16 hahu ona to’o ohin loron, sei dezenvolve hela sira nia matenek konaba serbisu ba estasaun radio komunidade iha Timor-Lete ne’ebe mak hahu tiha ona husi tinan 2001. ARKTL iha rede serbisu ne’ebe mak kovre area tomak iha nasaun ida ne’e no mos ARKTL mak representa estasaun radio komunidade husi distritu 13 iha Timor Leste inklui distrito Dili ne’ebe mak nu’udar sidade capital iha Timor-Leste. ARKTL sai nu’udar membru ativu ida husi Assosiasaun Radio Komunidade Mundial (AMARC) hahu husi tinan 2004 to’o ohin loron.

Timor-Leste nu’udar nasaun ida ne’ebe mak iha deversidade oioin hanesan diversidade ema, no kultura, aumenta tan ho lingua ofisiais Portuguesa no Tetum. Aliende ne’e, iha Timor-Leste iha mos dialetu 32 ne’ebe mak komunidade sira kualia iha distrito 13. Lia fuan hirak ne’ebe mak ema kualia sai nu’udar tradisaun oral ida ne’ebe mak mai husi bei ala sira nian tempu. Lia fuan hirak ne’e mak bele halo ema hotu bele hetan sira nian informasaun, tanba ne’e basea ba tradisaun oral ne’e, mak sei halo estasaun radio komunidade sai intrumentu ida ne’ebe mak esensial tebes hodi fahe matenek ba malu, fahe edukasaun ba malu no mos fo ksolok ba malu.

Prezado Ximenes, Prezidente ARKTL  hahu ona to’o ohin loron serbisu ba ARKTL nu’udar voluntariu durante tinan 6. Dadauk ne’e iha ARKTL, iha ema na’in rua ne’be mak serbisu voluntariu liu husi suporta agensia AusAID. Sira ne’e mak Elena McMaster and Claudia Santangelo.

Konselho ARKTL dadauk ne’e iha hela prosesu atu hari fila-fali liu husi fo oportundiade ba membrus sira atu hili konselho foun iha kongressu ARKTL iha tinan 2014.

Atu hasoru-malu ho staff no aprende liu tan membru husi kada estasaun radio komuniadade  sira favor visita  profile estasaun radio sira – Profile husi Estasaun