projetu sira

current projects picProjecto Hakbesik an ba Komunidade

Projeto radio iha Timor-Leste konaba hakbesik an ba komunidade nu’udar projeto ho durasaun serbisu durante tinan ida ho ninia objektivo mak atu suporta esforsu habrani partisipasaun komunidade iha estasaun radio komunidade. Projeto ne’e bele realija liu husi inisiativu entre ARKTL ho ninia parseiro organizasaun iha rai Australia mak hanesan Asia pacific Journalism Centre ne’ebe hetan mos suporta husi Voluntariu AusAID ne’ebe mak oferese ema na’in rua ne’ebe mak agora ne’e dadauk serbisu hela ho ARKTL .

Hahu husi inisiu, projeto ida ne’e sei foka liu ba estasaun radio komunidade tolu mak hanesan Radio Matebean iha Baucau, Radio Komunidade Maubisse iha Maubisse no Radio Komunidade Atoni Lifau iha Oecusse. Tuir plano iha tinan 2014, ARKTL sei suporta tan estasaun radio komunidade seluk atu bele hakbesik liu tan sira nian serbisu ho komunidade sira liu husi produs programa radio no gere rasik sira nia estasaun radio komunitaria.

Etapa permeiru husi projeto radio konaba hakbesik an ba komunidade hahu ona iha fulan novembru 2013. Serbius na’in ba estasaun radio komunidade husi Oecusse, Aileu, Maubisse, Baucau, Covalima, Bukoli no DIli inklui mos staff husi SFCG partisipa iha Workshop durante loron rua iha Dili ne’ebe mak fasilita husi ARKTL. Konteudu husi workshop ne’e, dejenvolve liu husi halao uluk konsultasaun entre ARKTL ho staff husi estasaun radio komunitaria sira durante visitasaun ne’ebe mak halao husi ARKTL ba ninia membrus sira iha fulan Outuro 2013. Materia husi Workshop ne’e, kualia konaba sistema finanseirio ba transparansia no akuntabilidade no mos konaba Oinsa hakbesik an ba komunidade, ikus liu mak treinamento konaba hakerek web site no mos trainamento ba treinador sira. Materia husi workshop ne’e, dejenvolve durante tempu halao workshop no sai efetivu liu wainhira distribui mos ba estasaun radio komunidade tomak iha Timor-leste liu husi ARKTL nian website. Iha fulan hira tuir mai, ARKTL ninian staff sei halao visitasaun ba estasaun radio komunidade Oecuse, Baucau, Bukoli, Maubisse no Aileu hodi kontinua fo suporta ba estasaun radio komunitaria hirak ne’e, hodi bele implementa treinamentu ba sira nian voluntariu foun no halo mos plano atu realija sira nian komunidade nian eventus.

Ligsaun sira:

TL Radio Komunidade Planu Sessaun

TL Radio Komunidade Materia Treinamentu

Timor Leste Nian Lei Komunikasaun Sosial

ARKTL agora dadauk ne’e, sei serbisu hamutuk ho organizasaun media selseluk iha Timor-leste hodi halo esbosu ba lei komunikasaun social Timor-Leste ne’ebe mak sei hetan aprovasaun husi parlamentu nasional iha tinan 2014. ARKTL mos ativamente serbisu atu garante katak lei komunikasaun social tenki rekonhese serbisu na’in sira iha radio komunitaria hanesan jornalista professional no seitor radio komunitaria tenki hetan rekonhesementu ba hanesan parte integradu ida husi industira komunikasaun social iha Timor-Leste.

Prezidente ARKTL Prezado Ximenes, nu’udar pesoa ida ne’ebe mak hola parte iha equipa  “team 5” tur hamutuk ho representante husi organ komunikasaun sosial selseluk mak hanesan Salvador Ximenes, Suzano Cardoso, Mauzinho Lopes no Otelio Ote. Equipa Team 5, nu’udar equipa ida ne’ebe mak reprenta jornalista sira no na’in ba orgaun komunikasaun social sira iha Timor Leste hodi dezenvolve esbosu lei komunikasaun social iha Timor Leste. Prezado Ximenes mos hetan konfiansa husi repersentante orgaun komunikasaun social iha Timor Leste hodi lidera nia equipa komisaun organizadora hodi realiza kongressu Nasional ba Jornalista Timor Leste iha tempu ukun rasik an ne’e. Durante tempu Kongressu ne’e, Kodigu ethic ba JornalistaTimor Leste hetan aprovasaun husi kongressista sira no esbosu konaba konstitusaun  konselho media sei hetan mudansa.

ARKTL sei kontinua nafatin atu fo advokasia ba seitor radio komunitaria hodi bele hetan rekonhesementu, atu nune’e, jornalista husi estasaun radio komunitaria sira bele sai parte husi politika governo Timor-Leste wainhira implementa politika dezenvolvementu ba rekursu umano iha seitor komunikasaun social iha Timor-Leste.

Ligasaun sira

Proposta LGMCS atu distribui_8_Marco

Lei Komunikasaun Sosial

Advertisements